Møtte Næringskomitéen

FHL, med bransjeforeiningane FNL og NFF, i tillegg til Norges Fiskarlag presenterte tysdag fiskerinæringa sitt syn på den planlagte forhandlingsrunden i WTO.

Publisert: 02.02.00

I presentasjonen frå næringa vektla ein den rolla betra handelsvilkår vil spele i arbeidet for å realisere det store vekstpotensialet som ligg i næringa. Innanfor den politiske situasjonen vi har i dag er WTO det beste verkemiddelet vi har til å betre dei internasjonale rammevilkåra for fiskerinæringa. Det er viktig at ein, trass i forhandlingsbrotet i Seattle, framleis har eit aktivt engasjement for dei norske interessene i WTO. I dette ligg det eit behov for aktivt internasjonalt kontaktskapande arbeid frå styresmaktene si side. I tillegg tok næringa også opp behovet for å fylgje arbeidet i Genève på ein betre måte, gjennom etablering av ei eiga fiskerirådstilling ved delegasjonen i Genève.